好抱歉，今日真係第一次睇五月天演唱會。
我識嘅歌一隻手都數得晒（笑）。最鍾意都係佢哋講嘢之間嘅互動。今年咁特殊嘅情況令到我忙到朋友都冇得見，但竟然可以睇到一場演唱會。
最認識五月天，其實係睇康熙來了，佢哋個別上去做嘉賓講嘅故仔。另外就係我身邊好多朋友同事都鍾意。記得每年呢啲時候就要搶演唱會飛。
有次有個同事演唱會開賣嗰一日佢係要睇門診。佢咁岩派左要坐大佬間房，咁就啱晒佢，因為淨係大佬間房先有部電腦可以上網。佢就可以電話同埋電腦一齊狂refresh去買飛，而佢真係成功買到。 
佢哋為醫護鼓掌嘅時候，個下都有啲滾動。多謝，咁我唔客氣照單全收，接受來自他方嘅安慰同鼓勵。
個演唱會真係做得好好睇，啲舞台Display好靚，每一張凳都可以擺唔知係唔係真係螢光棒嘅嘢。但係美中不足嘅就係佢唔係真係唱live。（五月天粉絲唔好追殺我…… ）
 https://youtu.be/eIib9hh2UCE
Search